Jul 23, 2016

মাল্টিলিংগ কী-ব’ৰ্ডৰ সবিশেষ

ৰাজীৱ ফুকন 23 July বিজ্ঞান

ইয়াৰ আগৰ পোষ্টটোত মই মাল্টিলিংগ কী-ব'ৰ্ডৰ কথা কৈছিলোঁ৷ পোষ্টটো পঢ়ি মোৰ ফেচবুক ফ্ৰেণ্ড সীমা শইকীয়াই মাল্টিলিংগ কী-ব'ৰ্ডৰে কেনেদৰে অসমীয়া লিখিব পাৰি জানিব বিচাৰিছিল৷
সেয়ে সকলোৰে সুবিধা হোৱাকৈ মোৰ ফালৰ পৰাও আৰু দুটামান টিপছ যোগ দি এই টিউট'ৰিয়েলটো বনালোঁ৷ আপোনালোকৰো যদি কিবা সুধিব লগীয়া থাকে, মোক ক'মেন্টৰ জড়িয়তে সুধিব পাৰিব৷ বেছি ভালদৰে বুজিবলৈ তলৰ ভিডিঅ'টো চাবলৈ অনুৰোধ কৰিলোঁ৷ কী-ব'ৰ্ডখন এই লিংকটোৰ পৰা ডাউনল'দ কৰিব পাৰিব৷

মাল্টিলিংগ কী-ব'ৰ্ডখন ডিফ’ল্ট কী-ব'ৰ্ড ৰূপত পাবলৈ হ'লে আপুনি তলৰ পথটো অনুকৰণ কৰিব লাগিব

Settings->Language and Input-> Current Keyboard

আৰু Current Keyboardত মাল্টি লিং কী-ব’ৰ্ডখন চিলেক্ট কৰিব পাৰিব৷

ডিফ’ল্ট কী-ব'ৰ্ড

কী-ব’ৰ্ডখনৰ পৰা অদৰকাৰী, মানে চাইনিজ আদি ভাষাক আঁতৰাই অসমীয়া ভাষাটো ভৰাবলৈ হ'লে তলৰ পথটো অনুকৰণ কৰক৷

Settings -> Language and Input -> Mulitling Keyboard -> Languages -> Languages

ইয়াতে আপুনি বেলেগ-বেলগ ভাষাৰ এখন দীঘল তালিকা পাব৷ তাতে অপ্ৰয়োজনীয় ভাষা বিলাক আনচেক কৰি অসমীয়া আৰু ইংৰাজী ভাষা দুটা চিলেক্ট কৰি ল'লে হ'ল৷

অসমীয়া বাচনি কৰিবলৈ

ইমোজিছৰ কাৰণে আপুনি লেখিবৰ পৰত এন্টাৰ কীটো অলপ পৰ হেঁচি ধৰিব লাগিব৷ বা সোঁফালে চুকত থকা "123" নামৰ কীটো হেঁচি ধৰিলেও ষ্টিকাৰৰ তালিকা এখন ওলাব৷

Emoji

লেখিবৰ পৰত এটা ভাষা, আন এটা ভাষালৈ সলনি কৰিবলৈ হ'লে, স্পেচ কীটো অলপ হেঁচি ধৰক, নাইবা স্পেচ কীটো সোঁ ফালে বা বাওঁফালে স্লাইদ কৰি দিয়ক৷

ভাষা সলাবলৈ

অসমীয়া বানানৰ বাবে Assamese keyboard নামৰ plugin এটা ইনষ্টল কৰিব লাগিব৷ প্লাগইনটো আপুনি ইয়াতে ক্লিক কৰি ডাউনল’ড কৰিব পাৰিব৷ এইটো ইনষ্টল কৰাৰ পিছত কী-ব'ৰ্ডখনে অসমীয়া বানান চাজেষ্ট কৰিবলৈ আৰম্ভ কৰিব৷

মাল্টিলিংগ কী-ব'ৰ্ডৰ থীম সলাবলৈ আপুনি তলৰ পথটো অনুসৰণ কৰিব লাগিব৷

Settings -> Language and Input -> Mulitling Keyboard -> Themes, sizes and layout -> Keyboard Theme

ইয়াতে আপুনি আপোনাৰ পচন্দৰ থীমটো বাচি ল'ব পাৰিব৷ ৰাতি ব্যৱহাৰ কৰে যদি ডাৰ্ক থীমটো লগাই ল'লে ভাল৷

থীম

আশা কৰো আজি আগবঢ়োৱা কৌশল খিনিয়ে আপোনালোকক কিছু পৰিমাণে সহায় কৰিব৷ আমাৰ আন আন পোষ্ট বোৰৰ কাৰণে আমাৰ ইউটিউব চেনেল Me, Myself & Rajiv Phukanঅক চাবস্ক্ৰাইব কৰিবলৈ অনুৰোধ কৰিলোঁ৷