মূলঃ শীৰ্ষেন্দু মুখোপাধ্যায়
অনুবাদঃ
ৰাজীৱ ফুকন
তৃতীয় অধ্যায়
"কেনেকৈ
কওঁ কোৱা চোন! সুধাময় মোৰ ভাল বন্ধু আছিল৷ আমাৰ সম্পৰ্কও আছিল গভীৰ৷ মোৰ দুখৰ দিনত, ইন মাই
আৰ্লি দেজ হি হেল্পড এ লট৷ বিয়াৰ পিছততো আমাৰ মূৰ গুজিবলৈকে ঠাই নাছিল৷ সুধাময়ে
আমাক তাৰ এটা ঘৰত মোক সপত্নীক থাকিবলৈ দিছিল৷ নাইছ মেন, নাইছ
ফ্ৰেণ্ড৷ তাৰ ৰি-এক্সন কেনেকুৱা?"
"তেওঁ
টকিঅ'ত আছে৷
বিজনেছ ট্যুৰ৷ তাৰ পৰা যাব ৰাচিয়া আৰু ইউৰোপ৷ হয়তো চিন আৰু টাইৱানো৷ উভতোতে দেৰি হ'ব৷ তেওঁৰ বয়স কিমান?"
"হাৰ্ডলি
ফ'ৰ্টি
ফাইভ৷"
"তেনেহ'লে কোৱাইট ইয়ং৷"
"অ', মোতকৈ
কেবা বছৰো সৰু৷"
"তেওঁতো
বিয়া কৰাইছে?"
"অঁ৷
তাৰ ঘৈনীয়েক সোণালী বৰ ভাল ছোৱালী৷ এই ঘটনাটোৱে তাইক বৰ দুখ দিব৷"
"তেওঁ
স্বামীৰ লগত বিদেশত৷"
"ৰক্ষা৷"
"আপুনি
ৰিলিফ ফিল কৰিছে, কিন্তু
মই কৰা নাই৷ তেওঁলোক থকা হ'লে মোৰ
কামত সুবিধা হ'লহেঁতেন৷"
"তুমি
ভাবিছা নেকি যে ইৰাৰ সৈতে যদি সুধাময়ৰ এডাল্টেৰিৰ সম্পৰ্ক আছেও সেয়া তুমি জেৰা কৰি
উলিয়াবা পাৰিবা?"
"কনফেছন
আদায় কৰা সহজ নহয়৷ কিন্তু ৰিয়েক্সন চাই অনুমান কৰিব পাৰি৷"
"সেই
বিষয়ে ইৰাকোতো সুধিব পাৰা৷ তাইৰ ৰিয়েক্সন চাই অনুমান কৰা৷"
"ইৰাদেৱীৰ
মানসিক অৱস্থা এতিয়া ভাৰসম্যহীন৷ তেওঁ খঙত জ্বলি আছে আপোনাৰ ওপৰত৷ এই অৱস্থাত
তেওঁক এইবোৰ চেনচিটিভ বিষয়ত প্ৰশ্ন কৰাতো ঠিক নহ'ব৷"
"তুমি
এই তদন্তৰ কাম কি প্ৰাইভেটলি কৰিছা? নিজৰ খাতিৰত? নে
অফিচিয়েলি?"
"অফিচিয়েলি৷
ইৰাদেৱীয়ে আপোনাৰ নামত এফ আই আৰ দিছে৷ পুলিচৰ উৰ্ধতম মহলৰ পৰা তদন্তৰ ভাৰ মোক
দিছে৷"
"কিন্তু
অলপ আগতে দেখোন তুমি কৈছিলা, এইটো তোমাৰ ব্যক্তিগত ভিজিট৷"
"সেইটোও
সঁচা৷ মই ঠিক পুলিচ হিচাপে আপোনাৰ ওচৰলৈ অহা নাই৷ আহিছো ব্যক্তিগত উদ্যোগত৷ পুলিচে
কেছটো বিশেষ চিৰিয়াছলি লোৱা নাই৷ চিৰিয়াছ ক্ৰাইম চম্ভালিবলৈ গৈ তেওঁলোকে জ্বলা-কলা
খাব লগীয়া হয়৷ সেয়ে পাৰিবাৰিক কেছত সময় দিব নোৱাৰে৷"
"তুমি
এজন নাম জ্বলা ডিটেক্টিভ৷ লাল বাজাৰৰ বুকুৰ মনি৷ এনেকুৱা এটা কেছত তোমাৰ দৰে
ডিটেক্টিভ এজন লগোৱাৰ কাৰণ কি?"
শৱৰে
অকণমান হাঁহিলে, "আপুনিও ডিটেক্টিভগিৰীত লাগি গৈছে৷ কথাটো ঠিকেই৷ আপোনালোকৰ
বাবে কেছটো চিৰিয়াছ হ'লেও
পুলিচৰ বাবে এটা মাইনৰ পেটি কেছ৷ আপোনাৰ অনুমানো সঠিক৷ পুলিচে মোক নিয়োগ কৰা নাই৷
মই স্ব-ইচ্ছাই তদন্ত কৰিব খুজিছিলো৷ ওপোৰৱালাই মোক অনুমতি দিছে৷"
"নাউ ইউ
আৰ টকিং চেন্স৷"
"সিংঘানিয়াৰ
এক্সিবিছন ইয়াতে বন্ধ কৰিলেও দিল্লী, মুম্বাই বা বিদেশত বন্ধ কৰিব পৰা
নাযাব৷ ছবি কেইখন যে নকল সেইটো প্ৰুফ কৰাতো অত্যন্ত জৰুৰী৷ আপুনি পাৰিবনে?"
"কিয়
নোৱাৰিম? ছবিৰ
কেৰেক্টাৰেই কৈ দিব যে সেই কেইখন মই অঁকা নহয়৷"
"তেনেহ'লে আপুনি কেতিয়া কলকাতালৈ যাব?"
"আজি নহ'ব৷ কাইলৈ যাম৷"
"গৈ ক'ত থাকিব?"
"মইতো
বাণ্ডল ৰোডৰ ষ্টুডিঅ'তে
থাকো কলকাতালৈ গ'লে৷
বহুদিন পিছে যোৱা হোৱা নাই৷"
"ভাৰা
ঘৰ নেকি সেইটো?"
"ভাৰাই
আছিল৷ পিছত মালিকৰ পৰা কিনি লৈছো৷"
"আপোনাৰ
ঘৰৰ মানুহে ষ্টুডিঅ'টো
চিনি পায় নে?"
"বোধহয়৷
হ'লেও
কোনো কেতিয়াও যোৱা নাই৷"
***
ঘৰৰ
দুৱাৰ খুলি ভিতৰলৈ সোমাই সৰ্বজিতে অন্ধকাৰপ্ৰায় ষ্টুডিঅ'টো অলপ অনুভৱ কৰাৰ চেষ্টা
কৰিলে৷ এই ঘৰটো কোনেও ব্যৱহাৰ নকৰে৷ ধূলি-বালি আৰু আবদ্ধ বতাহৰ অস্বাস্থ্যকৰ
গোন্ধৰে ভৰি আছে৷
সৰ্বজিতে
পৰ্দা গুচাই ডাঙৰ ডাঙৰ খিৰিকীবোৰ খুলি দিলে৷ বাহিৰৰ আকাশত বাৰিষাৰ ডাৱৰ গোট খাইছে৷
দ্ৰুততাৰে ঘনীভূত হৈ আহিছে অকাল-সন্ধ্যা৷
সৰ্বজিতে
চকী এখন জোকাৰি লৈ ফেনৰ তলত বহিল৷ ভাগৰ লাগিছে৷ যশিডিৰ পৰা মাত্ৰ ছয় ঘন্টাৰ ৰেল
যাত্ৰা৷ পৰিশ্ৰম যে বহুত বেছি হৈছে তেনেকুৱা নহয়৷ হ'লেও ক্লান্তি লাগিছে, হয়তো
মানসিক অৱসাদত, তিক্ততাত৷
অলপ পৰ
জিৰণি লৈ তেওঁ উঠিল৷ তাৰপিছত ঘৰ দুৱাৰ চাফা কৰাত লাগিল৷
ফ্লেটত
মাত্ৰ দুটাই ৰুম৷ ভিতৰৰ ৰুমটো ডাঙৰ৷ সেইটোৱেই তেওঁৰ ষ্টুডিঅ' কাম
বেডৰুম৷ বেড বুলিবলৈ অৱশ্যে বেতেৰে তৈয়াৰী এখন সৰু ডিভানৰ নিচিনা৷ তাৰ ওপৰত তোষক৷
চাৰিওফালে তেওঁৰ অঁকাৰ সৰঞ্জাম, কেনভাছ আদি আছে৷ আধৰুৱা ছবি কিছুমানো দম হৈ পৰি আছে৷
আজিকালি
কলিকতা ভাল নালাগে তেওঁৰ৷ ৰিখিয়া যে ভাল লাগে, সেয়াও নহয়৷ হ'লেও তাত অন্ততঃ শব্দহীনতা
আছে৷ লোকহীনতা আছে৷ অনবৰত মানসিক সংঘৰ্ষহীনতা আছে৷ তুলনামূলকভাৱে ভাল৷
এঘন্টামানৰ
মূৰকত তেওঁ ঘৰটো বাসোপযোগী কৰি ল'লে আৰু একাপ চাহ বনাই খালে৷ গা ধুলে৷ অকণমান দীঘল দিলে
নীৰৱে৷ আৰু শুইয়েই গম পালে তেওঁৰ মূৰটো গৰম হৈ আছে৷ মনটো অস্থিৰ৷
অকণমান
টোপনি আহিছিল৷ হঠাৎ টেলিফোনৰ অচিনাকি শব্দত খপজপকৈ সাৰ পাই উঠি বহিল তেওঁ৷ বুকুখন
ধৰফৰাইছে৷ বহুকাল যন্ত্ৰটোৰ সৈতে যোগাযোগ নাছিল তেওঁৰ৷
"কওঁক৷"
"মিষ্টাৰ
সৰকাৰ নেকি?"
"হয়৷"
"মই জয়
কুমাৰ শেঠ৷ চিনি পাইছে নহয়?"
"অ'৷ কোৱা৷"
"উই আৰ
বিং হাউণ্ডেড এৰাউণ্ড বাই চাম পিপল৷ কিন্তু চাহাব, আমাৰতো কোনো দোষ নাই৷"
"দোষ
নাই?"
"নাই
চাহাব৷ আমি আপোনাৰ পেকেজিঙৰ মাজতেই আন-মাউন্টেড ছবি কেইখন পাইছো৷ আমি আপোনাৰ লগত
এইবোৰ কাম কৰিব পাৰো জানো? পুলিচে
কৈছে ছবি কেইখন একদম জালি৷ চাবষ্টিটিউছন৷"
"মই যে
কলিকতালৈ আহিছো কোনে ক'লে?"
"মিষ্টাৰ
দাশগুপ্তই কৈছে৷ আপুনি নহা হ'লে মই দুই এদিনতে ৰিখিয়ালৈ গৈ আপোনাক ল'গ কৰিলোহেঁতেন৷ পিতাজী
আমেৰিকাত৷ উই আৰ ইন ট্ৰাবল৷"
"ছবি
কেইখন মই অঁকা নহয়, জয়৷
তোমালোকে ছবি কেইখন ক'ত
ৰাখিছিলা?"
"ছবি
কষ্টলি বস্তু চাহাব৷ আমি চব ছবি আমাৰ ঘৰৰ ষ্টোৰ ৰুমত ৰাখো৷ এছি ৰুম৷"
"চিকিউৰিটিৰ
ব্যৱস্থা কেনকুৱা?"
"ষ্ট'ৰ ৰুমৰ কাৰণে চেপাৰেট
চিকিউৰিটি নাই৷ হ'লেও
আমাৰ ঘৰত চাৰিজন ৰিলায়েবল দাৰোৱান আছে৷ চুইছ অৰ চাবষ্টিটিউছন ইজ ইম্পচিবল
ছাৰ৷"
"নাথিং
ইজ ইম্পচিবল৷ ইম্পচিবল হ'লে
ঘটনাটো ঘটিল কেনেকৈ?"
"উই আৰ
এট এ লছ৷"
"সিংঘানিয়াক
তোমালোকে এই কেইখন ছবিয়েই বেছিছিলা?"
"হয়
চাহাব৷ উই হেভ আৱাৰ ৰেকৰ্ড৷ সিংঘানিয়াই আপোনাৰ ছবিয়েই বেছি কিনে৷ এ চাউণ্ড বায়াৰ৷
পেমেন্টো প্ৰোন্টো৷"
"ছবি
বিলাক সিংঘানিয়াই কি কৰে?"
"তেওঁ
ফৰেইনত বিক্ৰী কৰে৷ হি হেজ গুড কানেক্সন৷"
"তোমালোকে
ছবি কেইখন ঘূৰাই ল'ব
নোৱাৰিবা?"
"তেওঁ
নাৰাজ হৈ আছে৷ হি ইজ এ ৰেচপেক্টবল মেন৷ তেওঁৰ দাদা এম পি৷"
"সেইবোৰ
জানি একো লাভ নাই৷ তেওঁ যদি মোৰ ছবি বুলি সেইবিলাক বেছে তেনেহ'লে মই তেওঁৰ ওপৰত কেছ
দিম৷"
"ছাৰ, প্লিজ
এডভাইছ আছ৷ আমি কি কৰো? যি হ'ব লগীয়া আছিলতো হৈয়েই গ'ল৷ আপুনি কেছ দিলে আমিও ফঁচি
যাম৷"
"মই ছবি
কেইখন চাব খোজো৷ ফটোত দেখিছো৷ কিন্তু ছবি কেইখন চোৱাৰ প্ৰয়োজন৷"
"সেইটো
এৰেঞ্জ কৰিব পৰা যাব৷ কিন্তু সিংঘানিয়াই পুলিচৰ উপস্থিতি অবিহনে নেদেখুৱাব৷"
"তেওঁ
কি ভাবে? মই ছবি
কেইখন নষ্ট কৰিম?"
"মে বি৷
হি ইজ এ ষ্টাব'ৰ্ণ
মেন৷ আপুনি কেতিয়া প্ৰেছ কনফাৰেন্স পাতিছে ছাৰ?"
"কালি৷"
"উই উইল
বি দিয়াৰ৷ মিষ্টাৰ সিংঘানিয়াও থাকিব৷"
"মই যদি
আজিয়েই ছবি কেইখন চাব খোজো?"
"মিঃ
সিংঘানিয়া হিন্দুস্থান ইন্টাৰনেশ্যনেলত আছে৷ আপুনি ইচ্ছা কৰিলে ফোন কৰিব পাৰে৷ ফোন
নম্বৰ আৰু চুইট নম্বৰটো লিখি লওঁক ছাৰ৷"
সৰ্বজিতে
নোট কৰি লৈ সুধিলে, "তুমি মোৰ পত্নীৰ সৈতে দেখা কৰিছা?"
"অ' ছাৰ৷
মেডামৰতো মোৰ ওপৰত ভীষণ খং উঠি আছে৷"
"উঠিবৰে
কথা৷ তোমালোকে যে কি কাণ্ড কৰিলা?"
"অন গড
ছাৰ, দিছ ইজ
ন' ফল্ট
অৱ আৱাৰছ৷ ডোন্ট প্লীজ বি ক্ৰছড উইথ আছ৷"
সৰ্বজিতে
ফোন ৰাখিলে৷ তাৰ পিছত সিংঘানিয়াক ৰিং কৰিলে৷
"মিষ্টাৰ
সিংঘানিয়া৷"
"দিছ ইজ
সৰ্বজিৎ চৰকাৰ৷"
"গুড
ইভিনিং ছাৰ৷ আপুনি আহিব বুলি জানিছিলো৷ আই ৱাজ এক্সুৱেলি ৱেইটিং টু ছি ইউ৷"
"আপুনি
জানেনে যে আপুনি নকল ছবি কিনিছে?"
"ইন ডেট
কেছ ছ্যু ইয়'ৰ
এজেন্ট৷"
"তাতকৈ
আপুনি এটা কাম কৰক৷ ছবি কেইখন উভতাই দিয়ক৷ টকা মই দি দিম৷"
"ছাৰ, ছবি
কেইখন এতিয়া ভীষণ কন্ট্ৰ'ভাৰ্ছিয়েল৷
কলকাতৰ পেপাৰতেই নহয়, এতিয়া
দিল্লী, বোম্বে
আৰু মাদ্ৰাজৰ কাকততো ইট হেজ বিকাম এ হট ইছ্যু৷ এণ্ড বিকজ অফ দি কন্ট্ৰোভাৰ্ছি দি
প্ৰাইজ হেজ শ্বট আপ আনইউজুয়েলি৷"
"আপুনি
কি ক'ব
খুজিছে মিঃ সিংঘানিয়া?"
"আই এম
এ বিজনেছ মেন৷"
"ইউ
ৱান্ট হাই প্ৰাইছ? কিমান?"
"ফাইভ
লাক্স পাৰ পেইন্টিং৷"
"মাই
গড!"
"মই
অলৰেডি চাৰি লাখৰ অফাৰ পাইছো৷ আই এম ৱেইটিং ফৰ এ হায়াৰ প্ৰাইছ৷"
"সিংঘানিয়া, আপুনি
চাবষ্টিটিউট ছবিৰ ব্যৱসায় কৰিলে যে অসুবিধাত পৰিব৷"
"ছাৰ, মই সেই
চাইদটো চাই থৈছো৷ আই এম নট এফ্ৰেড অফ ল'৷ আই এম ডুয়িং নাথিং ইলিগেল৷"
"আপুনি
জানেনে যে ইয়াৰ ফলত মোৰ পৰিয়ালৰ মানুহে মুখ দেখুৱাব নোৱাৰা অৱস্থা হৈছে৷"
"জানো
ছাৰ৷ ৰিগ্ৰেট ফৰ ডেট৷ কিন্তু মই কি কৰিব পাৰো কওঁক৷"
"একো
কৰিব নোৱাৰে?
এজ এ
হিউমেন বিং?"
"ছেন্টিমেন্ট
ইজ এনাদাৰ ঠিং ছাৰ৷ বাট দি দেমেজ ডান ৱাজ নট ইন্টেনশ্যনেল৷ ছবি কেইখন আপুনি কিনিব
খুজিছে, ভাল
কথা৷ আপোনাৰ ছেন্টিমেন্টকে সন্মান কৰি আই শ্বেল ছেল৷ বাট প্ৰাইছ উইল বি
ফাইভ৷"
"ঠিক
আছে, ইয়াৰ
পিছত যি কৰিব পুলিচে কৰিব৷"
"খং
কৰিছে মিঃ সৰকাৰ? মই
আপোনাৰ আটাইতকৈ ডাঙৰ বায়াৰ৷ মোৰ ষ্টকত এতিয়াও আপোনাৰ ত্ৰিছখনকৈ ছবি আছে৷ ইট ইজ এ
বিগ নাম্বাৰ৷"
"আপোনাৰ
দৰে বায়াৰ মোক নালাগে৷"
"খং
কৰিছে কিয় ছাৰ? ভালদৰে কুল
ব্ৰেইনেৰে ভাবি চাওঁক৷ আই এম ন'ট ৰেছপনছিবল৷ চাবিষ্টিটিউছনতো মই নাই কৰা৷ আপুনি আজিৰ পেপাৰ
চাইছে?"
"নাই৷"
"চাব৷
দুখন পেপাৰত ইন্টাৰেষ্টিং ইন্টাৰভিউ আছে৷"
"কাৰ
ইন্টাৰভিউ?"
"বান্টু
সিং আৰু ডেভিড৷"
"সিহঁত
কোন?"
"পঢ়ি
চাব ছাৰ৷ কালি আপোনাৰ প্ৰেছ কনফাৰেন্সত মই যাম৷ দিয়াৰ উইল বি হিটেদ
এক্সচেঞ্জেছ৷"
"আপুনি
কেনেকৈ জানিলে?"
"ক্ৰিটিক্সে
মনা নাই যে ছবি কেইখন চাবষ্টিটিউছন৷ ইউ হেভ টু ফেছ চাম ভেৰি আনকম্ফৰ্টেবল
কুৱেশ্যন৷"
"ঠিক
আছে৷ সেইটো মই চাম৷"
"বাই
দেন ছাৰ৷"
সৰ্বজিতে
ধামকৈ ফোনটো নমাই থ'লে৷
সৰ্বজিতে
ওলাই গৈ গড়ীয়াহাটৰ পৰা বাছি বাছি কাকত দুখন কিনি আনিলে৷
ঘৰলৈ
আহি কাকত দুখন খুলি যি পঢ়িলে আৰু দেখিলে তাত তেওঁৰ মূৰ আৰু গৰম হ'ল৷ বান্টু সিং এজন শিখ৷
দাড়ি-গোঁফ পাগুৰি আছে৷ ডেভিড দেখিবলৈ বেচ ধুনীয়া৷ দুয়োজনৰেই বয়স খুব কম৷
বান্টুক
এজন আৰ্ট ক্ৰিটিকে নিনাৰ সৈতে তাৰ সম্পৰ্কক লৈ প্ৰশ্ন কৰিছে৷ অত্যন্ত
অশ্লীলতা মিহলি প্ৰশ্ন৷ বান্টুৱে তাৰ উত্তৰত কৈছে, "ইয়েছ৷ ইট হেপেন্স
চামটাইমছ৷"
বিয়া
কৰাব নে নাই সোধাত বান্টুৱে কৈছে, "বিয়া ইজ এ মিউছুয়েল ডিছিছন৷ নিনা এণ্ড
আই আৰ ন'ট ইন
লাভ৷ বাট উই এঞ্জয় লাইফ টুগেদাৰ৷"
ডেভিডৰ
উত্তৰো একেই৷ অলপ ইফাল সিফাল মাত্ৰ৷
এটা
পৰিয়ালক কিমান নিষ্ঠুৰতাৰে এনেদৰে উলঙ্গ কৰি পেলোৱা হয়, সেয়া
দেখি অবাক হ'ল
সৰ্বজিৎ৷ মনটো বিৰক্তি আৰু খঙেৰে ভৰি পৰিল৷
ছবিকেইখন
চাবলৈ যোৱাৰ ইচ্ছা আৰু তেওঁৰ নহোৱা হ'ল৷ তেওঁ শুই থাকিল৷
শৱৰে
ফোন কৰিলে ৰাতি৷
"আহি
পালে তেনেহ'লে?"
"অ', শৱৰ৷"
"কালি
প্ৰেছ ক্লাৱত আপোনাৰ প্ৰেছ কনফাৰেন্স এৰেঞ্জ কৰা হৈছে৷ খুব ভিৰ হ'ব কিন্তু৷"
"জানো৷
তুমি কাকত দুখন চাইছা?"
"অ', বান্টু
আৰু ডেভিডৰ ইন্টাৰভিউ নে?"
"উম৷
সমাজখন কোন দিশে গৈ আছে শৱৰ?"
"আস্ক
ইয়'ৰ
ডটাৰ্ছ৷ কেৱল ল'ৰা
দুটাক দোষ দি কি লাভ?"
যেন চৰ
এটাহে পৰিল সৰ্বজিতৰ গালত৷ অনুতপ্ত মাতেৰে তেওঁ ক'লে, "তাকেইতো শৱৰ৷"
"মাথা
ঠাণ্ডা ৰাখক৷ বহুত চোকা প্ৰশ্ন উঠিব৷ এতিয়াৰ পৰাই সাজু থাকক৷"
"আই
শ্বেল টেল দি ট্ৰুথ৷"
"ঠিক
আছে৷"
"মোৰ
ঘৰৰ খবৰ কি?"
"কালি
উভতি আহিয়েই মই ইৰাদেৱীক ল'গ
কৰিছলো৷"
"মইযে আহিছো
কৈছা নেকি?"
"নাই, হ'লেও তেওঁ গম পাইছে৷"
"কিবা ক'লে?"
"নাই, খুব
গম্ভীৰ হৈ আছিল৷"
"ঠিক
আছে শৱৰ৷"
"এটা
কথা দাদা৷"
"কোৱা৷"
"আপোনাৰ
ল'ৰাটো
সৰু৷ হয়তো ন-দহ বছৰ হ'ব৷"
"অ'৷"
"আপুনি
কৈছে, যোৱা
দহ বছৰ ধৰি আপোনাৰ সৈতে ইৰাদেৱীৰ সম্পৰ্ক নাই৷ তেনেহ'লে সেয়া কেনেকৈ সম্ভৱ?"
"এই
প্ৰশ্নটোৰ উত্তৰ দিয়াটো জানো জৰুৰী?"
"নাই৷ হ'লেও জানিব বিচাৰিছিলো
আপোনালোকে আকৌ ৰিকনছাইল কৰিছিলে নেকি?"
"নাই, কৰা
নাই৷"
"আপুনি
কাক সন্দেহ কৰে?"
"এনিবডি!"
"সুধাময়
ঘোষ?"
"হ'ব পাৰে৷"
"ইউ আৰ
নট ইন্টাৰেষ্টেড টু ন'?"
"নাই, মোৰ
কোনো ইন্টাৰেষ্ট নাই৷"
***
এই চিৰিজটোৰ প্ৰথমখন উপন্যাস 'ঋণ' পঢ়িবলৈ ইয়াত ক্লিক কৰক।