মূলঃ শীৰ্ষেন্দু মুখোপাধ্যায়
অনুবাদঃ ৰাজীৱ ফুকন
উপন্যাসখনৰ সূচীপত্ৰলৈ যাবলৈ ইয়াত ক্লিক কৰক
অষ্টম অধ্যায়
ইৰাই খিৰিকীৰ বাহিৰত এখন দেৱাল উঠাব
লগীয়া হ'ল৷ তাত বেলেগকৈ দৰজা ইত্যাদি৷ খিৰিকীত লগাব লগীয়া হ'ল ডাঠ কাপোৰৰ পৰ্দা৷ হয়, তেওঁ ডেভিডক প্ৰশ্ৰয় দিছিল৷ ডেভিডে যিমান বিচাৰিছিল তাতকৈ অলপ বেছিয়েই৷
এইটো ঘটনাৰ কথা কোনেও নাজানে৷ জানিলেও
কোনেও তেওঁক একো কোৱা নাই৷
যোৱা দুবছৰ ধৰি প্ৰায় প্ৰতি নিশাই
ডেভিড আহিছে৷ বহি থাকে বেছি ভাগ সময়৷ কোঠাৰ ডিম লাইট জ্বলাই সিহঁতে আদ্দা মাৰে৷
কেতিয়াবা কেতিয়াবা দৈহিক মিলনো৷ কিন্তু কথাটো ইৰাৰ কোনোদিনে ভাল লগা নাই৷ দৈহিক
মিলনৰ সময়ত ভিতৰি ভিতৰি এটা প্ৰতিৰোধ তেওঁৰ মনত গঢ় লৈ উঠে৷ আৰু আচৰিত কথা,
সেই
সুপুৰুষ আৰু শক্তিমান যুৱকজনৰ প্ৰেমত তেওঁ আজিও পৰা নাই৷ ভাল যে নালাগে, তেনেকুৱা নহয়৷ কিন্তু তাৰ মাজত আৱেগে
ক্ৰিয়া কৰা নাই কোনোদিনে৷ উথপথপ নহয় বুকু৷
কালি ৰাতিও ডেভিড আহিছিল৷ কিছু পৰিমাণে
উদভ্ৰান্ত হৈ আছিল সি৷
"তোমাৰ কি হৈছে?"
"মই অলপ ৰেষ্টলেছ৷"
"কিয় ডেভিড?"
"আই কেন্ট হেল্প ইউ৷ আপুনি সেই
স্কাণ্ডেলটোৰ বাবে কষ্ট পাইছে৷"
"সেয়াতো হয়েই৷ কোনে জানো এনেকুৱা কাম
কৰিব পাৰে!"
"আপোনাৰ হাজবাণ্ডে অস্বীকাৰ
কৰিছে৷"
"সৰ্বজিতে সকলো কৰিব পাৰে৷ কিন্তু তাৰ
পক্ষে তোমাৰ আৰু বান্টুৰ ছবি অঁকাতো সম্ভৱ নহয়৷"
"তেনেহ'লে কোন বুলি ভাবে?"
"ধৰিবই পৰা নাই৷"
"এটা কথা সুধো?"
"নিশ্চয়৷"
"আপুনি এজন পেইন্টাৰৰ লগতে বিয়া হ'ল কিয়?"
"আৰে, তাতনো কি দোষ?"
"দোষৰ কথা নহয়৷ আপুনি এজন পেইন্টাৰকেই
কিয় পচন্দ কৰিলে৷"
"এনেয়ে৷"
"আপুনি নিজে আঁকে?"
"কিয় কোৱাচোন?"
"আপোনাৰ কথা বাৰ্তাত ভাব হয় আপুনি ছবি
সম্পৰ্কে জানে৷"
"জানো৷ নেজানিম নো কিয়? পেইন্টাৰৰ সৈতে সংসাৰ কৰিছো
যেতিয়া৷"
"নিজে কেতিয়াও অঁকা নাই?"
"অলপ চলপ চেষ্টা নকৰা নহয়৷ কিন্তু পৰা
নাই৷"
"আপোনাৰ সৈতেতো কাগজ কলম আছে৷ মোৰ এখন স্কেচ বনাব?"
"ধুৰ, সেইবোৰ নোৱাৰো দেই৷"
"জাষ্ট ট্ৰাই৷ চেষ্টা কৰি চাওঁক
না৷"
ইৰাই কাগজ কলম লৈ বহিল৷ এখন স্কেছ
বনায়ো পেলালে তেওঁ৷
দেখি ডেভিডে ক'লে, "মাই গড!"
"কি হ'ল?"
"আপোনাৰ হাতখনচোন খুব ভাল৷"
"যাঃ, পাগল৷"
"বাৰু, মই এইখন ৰাখি থওঁ৷"
"ৰাখা, পিছে সেইখন একো ভাল নহ'ল৷"
ডেভিড ৰাতি তিনিটামনত গৈছিল৷ তাৰ পিছত
শুই পৰিছিল ইৰা৷ তেওঁৰ টোপনি অহা নাছিল৷
আৰু এতিয়া ৰিভলভাৰটো বিচাৰি পোৱা নাই৷
ক্লান্ত হৈ তেওঁ কিছুসময় বিছনাত বহি
থাকিল৷ তেওঁৰ ভালদৰে মনত আছে ৰিভলাভৰটো গাৰুৰ কাষতে প্লাষ্টিকৰ সৰু চিট এখনৰ ওপৰত
থোৱা আছিল৷ বিছনাত ৰিভলভাৰৰ তেলচেল লাগে কাৰণে সেই ব্যৱস্থা৷ চিটখন আছে, কিন্তু বস্তুটো নাই৷
মূৰটো গৰম হৈ গ'ল তেওঁৰ৷
***
অফিচত বহি ফিঙ্গাৰপ্ৰিন্ট ৰিপোৰ্টটো
গম্ভীৰ মুখেৰে চাই আছিল শৱৰে৷ ভ্ৰূ কোঁচাই এচিষ্টেন্ট লালু ওচৰতে ৰৈ আছিল৷
"আৰ ইউ চিঅ'ৰ লালু?"
"এবচলিউটলি৷"
"ক্ৰছ চেক কৰিছা?"
"কৰিছো ছাৰ৷"
শৱৰে পিছলৈ হেলান দি বহি ক'লে, "দেন দি কমপ্লিকেছন ডিপেন্স৷"
"হয়, ছাৰ৷"
"শুনা, মিষ্টাৰ সৰকাৰক আমাৰ ফাইণ্ডিংটো এতিয়াই
জনাবলগীয়া নাই৷"
"ঠিক আছে ছাৰ৷"
"মই আজিয়েই এবাৰ ৰিখিয়ালৈ যাম৷ ট্ৰেইনৰ
টিকট এটা এৰেঞ্জ কৰা৷ যিকোনো ট্ৰেইন৷"
"ন' প্ৰব্লেম ছাৰ৷"
লালু গুছি যোৱাৰ পিছত শৱৰে বহুসময় ধৰি
চিলিঙৰ পিনে চাই ৰ'ল৷ তাৰপিছত উঠিল৷ ৰিখিয়া৷
দুপৰীয়া জশিডিত নামি এখন অট' ৰিক্সা লৈ চিধা ৰিখিয়িত উপস্থিত হ'লগৈ শৱৰ৷
"তোমাৰ নাম বান্টা?"
"জি হুজুৰ৷"
"কিমান দিন ইয়াত কাম কৰিছা?"
"চাৰ-পাঁচ বৰিষ হ'ব৷"
"বান্তা তোমাৰ পৰা কেইটামান কথা জানিব
খোজো৷"
"কওঁক৷"
"এই ফটোখন চোৱা, চিনি পাইছা?"
"জি"
"এই মানুহটো কোন?"
"নামতো মালুম নাই৷"
"কেতিয়াৰ পৰা আহি আছে?"
"কৰিব দো-তিন চাল হ'ব৷"
"আহি কি কৰে?"
"কুছ মালুম নেহি বাবু৷ আহে, গুছি যায়৷"
"কিমান দিন থাকে৷"
"ৰহতা নেহি৷ আহি গুছি যায়৷ দো তিন চাৰ
ঘন্টা ৰহতা হায়৷"
"তেওঁলোকে কি কথা পাতে জানা?"
"নেহি হুজুৰ৷"
"কেতিয়াও একো কাণত পৰা নাই?"
"মালুম হোতা বাবুসে পয়ছা লেতা
হায়৷"
"দেখিছা কেতিয়াবা?"
"নেহি হুজুৰ৷ বেংক কা যো কাগজ হ্যায় না,
চেক?"
"হয় হয় চেক৷"
"ওহি লেতা হ্যায়৷"
"কিমান টকাৰ চেক জানা?"
"নেহি হুজুৰ৷ এক দো দফে দেখা৷"
"মানুহজন সঘনাই আহে নেকি?"
"দো তিন মহিনা বাদ বাদ৷"
"মই যে পুলিচৰ মানুহ তুমি জানানে?"
"নেহি হুজুৰ৷"
"মই ঘৰটো এবাৰ চাৰ্ছ কৰি চাব
খোজো৷"
বান্টাই মূৰ জোকাৰি ক'লে, "হুকুম নেহি হুজুৰ৷"
শৱৰে মায়াভৰা চাওঁনিৰে বান্টালৈ চালে৷
বান্টা বেছ স্বাস্থ্যৱান, ওখ পাখ মানুহ৷ দীঘে পথালিয়ে শৱৰৰ ডাবল৷
শৱৰে ঘড়ী চালে৷ সি আজিয়েই তুফান বা
ডিলাক্স এক্সপ্ৰেছ ধৰি উভতি যাব লাগিব৷ থানালৈ গৈ চাৰ্চ ৱাৰেন্ট বা চিপাহী অনাৰ
সময় নাই৷ অগত্যা-
শৱৰে এখোজ বান্টাৰ পিনে আগুৱাই গ'ল৷ তাৰ বাঁও হাতখন বিদ্যুৎ বেগে এটা
থাপৰৰ নিচিনাকৈ নামি আহিল বান্টাৰ মূৰলৈ৷ টু শব্দ এটা নকৰাকৈ বান্টা বাগৰি পৰিল
মাটিত৷ সংজ্ঞাহীন৷
বিশাল ঘৰটোৰ পিছ ফালে থকা এটা ডাঙৰ ৰুম
সৰ্বজিতৰ ষ্টুডিঅ'৷ অলপ বিশৃংখল৷ এফালে দম কৰি থোৱা নতুন কেনভাছ৷ অজস্ৰ সম্পূৰ্ণ আৰু
অসম্পূৰ্ণ ছবি চাৰিওপিনে সিঁচৰিত হৈ আছে৷ এফালে এখন টেবুল৷ তাৰ ড্ৰয়াৰ খুলি চালে
সৰ্বজিতে৷ বহু কেইখন স্কেছ অঁকা কাগজ পোৱা গ'ল৷ বেছিভাগেই মানুহৰ মুখ৷
একেবাৰে তলৰ ড্ৰয়াৰত এটা মেনিলা
এনভেলপৰ ভিতৰত এখন স্কেছ পোৱা গ'ল বহুত কাগজৰ মাজত৷ সেইখন জেপত ভৰালে সি৷
তাৰপিছত সন্তৰ্পনে ওলাই আহিল৷
ভাৰা কৰি অনা অট'ৰিক্সাখন অপেক্ষা কৰি আছিল বাহিৰত৷ সি
উঠি বহিল৷
***
"আপুনি ডেভিড?"
"হয়৷"
"আপোনাৰ দেউতাৰ নাম জন ডালি?"
"হয়৷"
"তেওঁ কি কৰে?"
"এজন ইণ্ডাষ্ট্ৰিয়েলিষ্ট৷"
"কিহৰ ইণ্ডাষ্ট্ৰি?"
"মেছিন পাৰ্টছ৷"
"বিগ মেন?"
"হয়৷"
"আপুনি কেতিয়াৰ পৰা কলিকতাত আছে?"
"পাঁচ-ছয় বছৰ মান হ'ব৷"
"ইয়াতে কি কৰে?"
"ফ্ৰিলান্স জাৰ্নেলিষ্ট৷"
"মাহিলি ইনকাম কিমান?"
"একো ঠিক নাই৷ দুই-তিনি হাজাৰ মান হ'ব৷"
"এই ফ্লেটটোৰ ভাৰা কিমান?"
"দুহাজাৰ৷"
"কেনেকৈ ইমান টকা ভাৰা দিয়ে?"
"দিওঁ৷"
"বাট হাউ?"
"মেনেজ কৰো৷"
"টিনাৰ সৈতে আপোনাৰ সম্পৰ্ক কি?"
"উই আৰ ফ্ৰেণ্ডছ৷"
"ইন্টিমেট?"
"চৰ্ট অফ৷"
"আৰ ইউ ইন লাভ?"
"মে বি!"
"ডেভিড, প্ৰেমত পৰাতো অপৰাধ নহয়৷ কওঁক৷"
"সঁচা কথা ক'বলৈ গ'লে তাই মোৰ বন্ধু৷ তাতকৈ বেছি একো
নহয়৷"
"ডেভিড, আপুনি টিনাৰ দেউতাকক চিনি পায়?"
"নাই৷ নেভাৰ মেট হিম৷"
"নেভাৰ?"
"হয়৷"
"মানি ল'ব পাৰি জানো?"
"কিয় নোৱাৰি?"
"কথাটো সঁচা নহয় কাৰণে৷"
ডেভিড চুপ হৈ ৰ'ল৷
"আপুনি কেতিয়াৰ পৰা ড্ৰাগ এডিক্ট?"
"ড্ৰাগ? আই নেভাৰ.."
"আই ন' এ ড্ৰাগ এডিক্ট হোৱেন আই চি ৱান৷"
ডেভিডে কান্ধ জোকাৰিলে৷ একো নক'লে৷
"কিমান দিনৰ নিচা?"
"চাৰি পাঁচ বছৰ হ'ব৷"
"ব্ৰাউন চুগাৰ?"
"আই ৱাজ অন হাছ৷ ৰিচেন্টলি ব্ৰাউন
চুগাৰ৷ ইয়েছ৷"
"টকা কোনে দিয়ে? সৰ্বজিৎ সৰকাৰে?"
"হি হেজ মানি৷"
"সেইটো কথা নহয়৷ টকা তেওঁ এনেয়ে
নিদিয়ে৷"
"মই অলপ চাৰ্ভিছ দিওঁ।"
"সেইটো জানো৷ হাউ ডিড ইউ মেক এ কন্টেক্ট
উইথ হিম?"
"টিনাৰ পৰা শুনিছিলো তাইৰ দেউতাক
ফ্ৰাষ্ট্ৰেটেড এণ্ড আনহেপ্পি৷ ৰিখিয়াত থাকে৷ এদিন গৈ ওলালো৷"
"হুম৷ তাৰ পিছত?"
"আমি বহু কথা পাতিলো৷"
"কি কথা?"
"এবাউট হিজ ফেমিলি৷ হিজ ৱাইফ এণ্ড
চিল্ড্ৰেন৷"
"কি পাতিলে?"
"চব কথা ডিটেইলছত মনত নাই৷
কিন্তু..."
"কিন্তু?"
"তেওঁ তেওঁৰ পত্নীক ভীষণ ঘৃণা
কৰে৷"
"তাত কি হ'ল?"
"তেওঁ মোক এটা কাম দিছিল৷ টু চেডিউছ হিজ
ৱাইফ৷"
"কিন্তু কিয়?"
"টু টেষ্ট হাৰ চেষ্টিটি পাৰহেপছ৷"
"আপুনি কৰিলেনে? চেডিউছ?"
"উম, ইট ৱাজ এ বিট ড্ৰামেটিক৷"
"ৱাজ ইট ইজ?"
"মোৰ অৰ লেছ৷ প্ৰায়ভাগ মহিলাই মাজ বয়সত
অলপ এডভান্সাৰাছ হৈ উঠে৷ বিশেষকৈ যি সকল ছেক্স ষ্টাৰ্ভড৷"
"হয় জানো?"
"আই হেভ নাথিং টু লুজ৷"
"ছবি কেইখন তেওঁ কেতিয়া আঁকিবলৈ আৰম্ভ
কৰিছিল?"
"সেয়া নাজানো৷"
"এই স্কেচখন চাওঁক৷ এইটো কাৰ চেহেৰা?"
"বান্টু সিঙৰ৷"
"বান্টুৰ ছবিতো তেওঁ কল্পনাৰ পৰা অঁকা
নাই৷"
"নাই৷ আই চাপ্লাইড ডা ফোটোগ্ৰাফ৷"
"আপুনি তেওঁৰ ইনফৰ্মাৰ তেনেহ'লে?"
"ইট ৱাজ এ জব টু মি৷ জাষ্ট এ জব৷"
"এতিয়া কওঁক৷ ইৰাদেৱীৰ সৈতে আপোনাৰ
ঘনিষ্ঠতা কিমান?"
"বহু খিনিয়েই৷"
"তেওঁ আপোনাৰ প্ৰেমত পৰিছে নেকি?"
"ঠিক ক'ব পৰা নাযায়৷"
"আপুনি?"
"আই লাইক হাৰ৷"
"ছেক্স?"
"ইয়েছ৷ অকেজিয়নেলি৷ চি হেজ
প্ৰেজুডিছ৷"
"মাক-জীয়েক দুয়োৰে সৈতে?"
"নাই৷ টিনাক মই টাচ কৰা নাই৷"
"কিয়? আপোনাৰ কিবা সংস্কাৰবোধ আছে নেকি?"
"তেনেকুৱা নহয়৷ কিন্তু সৰ্বজিৎ সৰকাৰে
সেইটো সহ্য নকৰিব৷"
"ছবি কেইখন আপুনি দেখিছে?"
"অঁ৷"
"এটা পৰিয়ালক তেনেদৰে এক্সপোজ কৰাতো
জানো ঠিক হৈছে?"
ডেভিডে পুনৰ কান্ধ জোকাৰি ক'লে, "চাৰ, মই কাৰো মৰেল গাৰ্জেন নহয়৷ মোৰ টকাৰ
দৰকাৰ৷ মই কাম কৰিছো৷"
"আপোনাৰ দেউতা জন ডালিয়ে আচলতে কি কৰে?"
"ক'লোৱে দেখুন৷"
"সঁচাটো কওঁক৷"
"দেউতা প্ৰফেছাৰ৷ নাউ ৰিটায়াৰ্ড৷"
"আপুনি ডাক্তৰ?"
"পাচ কৰা নাই৷ হ'লেও ফোৰ্থ ইয়াৰলৈ পঢ়িছো৷"
"সৰ্বজিৎ সৰকাৰে এতিয়ালৈকে কিমান টকা
দিছে আপোনাক?"
"হিচাপ নাই৷ থাৰ্টি ফোৰ্টি থাউজেণ্ড মান
হ'ব৷"
"হাউ দা পেমেন্ট ৱাজ মেড?"
"তেওঁ চেক দিয়ে৷ মই কলিকতাত আহি ভাঙি
লওঁ৷"
"এইবাৰ এটা গুৰুত্বপূৰ্ণ প্ৰশ্ন৷"
"জানো৷ ইউ আৰ হোমিং ইন৷"
"মাৰ্ডাৰৰ দিনাখন ৰাতিপুৱা ক'ত আছিল?"
"নট অন দি স্পট৷"
"দেন ইউ আৰ ষ্টেটিং দেট ইউ আৰ নট গিল্টি?"
"ইফ ইট চুইটছ ইউ ছাৰ৷"
"কেতিয়াবা ৰিভলভাৰ ব্যৱহাৰ কৰি পাইছে?"
"নাই৷ চকুৰেই দেখা নাই?"
"সঁচাই নে?"
ডেভিডে হাঁহিলে৷ একো নক'লে৷
"ছবি কেইখন হোটেলৰ পৰা কেনেকৈ চুৰি
কৰিলে?"
"আপুনিচোন জানেই৷"
"হ'লেও শুনো৷"
"মই এজন বেয়াৰাক কিছু বক্সিছ দি ক'লো, সিংঘানিয়া ময়দানত বিপদত পৰিছে৷ খবৰটো
যেন তেওঁলোকক দিয়া হয়৷"
"তাৰপিছত?"
"সিহঁতে দৌৰাদৌৰিকৈ হোটেলৰ পৰা ওলাই
যোৱাৰ পিছত মই হোটেলত সুমাওঁ৷"
"সোমাবলৈ দিলে?"
"কেলেই নিদিব? মই দুদিন ধৰি সেইখন হোটেলতে আছো৷"
"মাই গড! তাৰ পিছত?"
"ছবি কেইখন মোৰ কোঠালৈ ট্ৰেন্সফাৰ
কৰিলো৷ পিছদিনাখন সৰ্বজিৎ সৰকাৰে আহি পেক কৰি লৈ যায়৷"
"ছবি কেইখন এতিয়া ক'ত?"
"নাজানো৷ তেওঁ কোৱা নাই৷ এম আই আণ্ডাৰ
এৰেষ্ট?"
"এতিয়ালৈকে নাই হোৱা৷ কিন্তু আৰু এটা
কথা৷"
"কওঁক৷"
"ৰিগাৰ্ডিং দা মাৰ্ডাৰ উইপন.."
"ইজি৷ আই ষ্টোল হাৰ ৰিভলভাৰ দেট
মৰ্ণিং৷"
"আকৌ আগৰ ঠাইত থৈ আহিছে নেকি?"
ডেভিডে মূৰ জোকাৰি ক'লে, "নাই৷ সেইটো আৰু দেখা নাই৷"
"মানে সেইটো সৰ্বজিতৰ ওচৰতে থকা বুলি ক'ব খুজিছে?"
"থাকিব পাৰে৷"
"এই অপাৰেছনটোৰ বাবদ কিমান টকা পাইছে?"
"টেন থাউজেণ্ড এণ্ড
এক্সপেণ্ডিছাৰছ৷"
"শুনক ডেভিড, হত্যা কৰিব পৰা ধৰণৰ এলিমেন্ট সৰ্বজিতৰ
মাজত নাই৷ হু ডিড ইট?"
"মই নাজানো ছাৰ৷ আই এম জাষ্ট এ
ষ্টুল৷"
"ইউ আৰ এক্সেছৰি টু এ মাৰ্ডাৰ৷"
ডেভিডে কান্ধ জোকাৰিলে, "আই এম ইন মাই লাষ্ট ষ্টেজ অফ এডিক্সন৷
আই চেল নট লিভ লং৷ গ' এহিদ এণ্ড হেং মি।"
***
এই চিৰিজটোৰ প্ৰথমখন উপন্যাস 'ঋণ' পঢ়িবলৈ ইয়াত ক্লিক কৰক।