ডাৰ্ক ৱেব-ইন্টাৰনেটৰ অন্ধকাৰ জগত

হেল্ল’, মই ৰাজীৱ আৰু “Me, Myself & Rajiv Phukan”অলৈ আপোনালোকক স্বাগতম জনাইছোঁ৷ আমাৰ আজিৰ ভিডিঅ' আৰু লেখাটোৰ বিষয়বস্তু হৈছে ডাৰ্ক ৱেব (Dark Web)।

ব্লগৰ এই লেখাবোৰ আমাৰ ইউটিউব চেনলত ভিডিঅ’ ৰূপতো আপল’ড কৰা হয়।আমাৰ আজিৰ ভিডিঅ’টোৰ লিং ইয়াতে আগবঢ়ালোঁ।

আপোনালোকে জানেনে, ইন্টাৰনেটৰ ৫ শতাংশহে আমি দেখিবলৈ পাওঁ৷ যাক চাৰ্ফেছ ৱেব (surface Web) বুলি কোৱা হয়৷ বাকী ৯৫ শতাংশ তলত লুকাই থাকে৷ গুগুল বা আন কোনো চাৰ্চ ইঞ্জিনত ইয়াক বিচাৰি পোৱা নাযায়৷ ইয়াক ডিপ-ৱেব (Deep Web) বুলি কোৱা হ'য়৷ যেনে আমাৰ ফেচবুকৰ পাৰ্চনেল মেছেজবোৰ, ইমেইল বোৰ; গুগুল ড্ৰাইভ, ড্ৰপবক্স আদি ক্লাউডত সংৰক্ষণ হৈ থকা আমাৰ পাৰ্চনেল ফাইল সমূহ, ইত্যাদি ইত্যাদি৷ যি বোৰ আহৰণ কৰিবলৈ আপোনাক ইউজাৰনেম, পাচৱৰ্ড আদি লাগিব৷ 

ইন্টাৰনেটৰ স্তৰ সমূহ

কিন্তু এই ডিপ ৱেবৰ আন এটা ভয়ংকৰ স্তৰ আছে, য'ত অস্ত্ৰ-সস্ত্ৰৰ সৰবৰাহ হয়, ড্ৰাগছৰ বিক্ৰী হয়, প্ৰফেচনল কিলাৰ ভাৰাত ল'ব পাৰি; নাৰী দেহ, মানুহৰ অং-প্ৰত্যংগৰ বিক্ৰী, চাইল্ড পৰ্ণ, আদিৰ উপৰিও কিছুমান চাইকো নৰখাদকৰ কাৰণে মানুহৰ মঙহৰো বজাৰ বহে৷ ইন্টাৰনেটৰ এই জগতখনক ডাৰ্ক ৱেব বুলি কোৱা হয়৷ যিখন জগত কোনো দিনে আপুনি গুগুলত বিচাৰি নাপাব৷ আৰু আজি মই আপোনালোকক আঙুলিয়াই দিম ডাৰ্ক ৱেবলৈ যোৱা সেই সৰু গলিটোলৈ৷

TOR ব্ৰাউজাৰ

ডাৰ্ক ৱেবত ভুমুকি মাৰিবলৈ আপোনাক প্ৰয়োজন হ'ব, এক বিশেষ ধৰণৰ ৱেব ব্ৰাউজাৰৰ৷ নাম The Onion Router  , চমুকৈ ট’ৰ (TOR) ৱেব ব্ৰাউজাৰ৷  এই ব্ৰাউজাৰটো প্ৰথমতে U.S. নেভিয়ে(U.S. Naval Research Laboratory) নিৰ্মাণ কৰিছিল, তেওঁলোকৰ নিৰাপত্তাজনিত গোপন তথ্যৰ আদান প্ৰদানৰ কাৰণে ৷ কিন্তু ওপেন চ’ৰ্চ কাৰণে ইয়াক সকলোৱে ব্যৱহাৰ কৰিব পাৰে৷ ট’ৰ ব্ৰাউজাৰটোৱে এক বিশেষ ধৰণৰ কৌশল অৱলম্বন কৰে, যাৰ বাবে ব্যৱহাৰ কৰ্তাৰ প্ৰকৃত পৰিচয় কোনেও বিচাৰি উলিয়াব নোৱাৰে৷

  

ফোন নাম্বাৰৰ দৰে প্ৰতিটো ইন্টাৰনেট সংযুক্ত ডিভাইছৰে একোটা নিৰ্দিষ্ট নম্বৰ থাকে৷ যাক IP address বুলি কোৱা হয়৷ যাৰ দাৰা আপুনি এয়াৰটেল,ৰিলায়েন্স বা আন কি কোম্পানীৰ ইন্টাৰনেট ব্যৱহাৰ কৰি আছে জনা যায়৷ আৰু তাৰ পৰা আপোনাৰ প্ৰকৃত ঠিকনা বিচাৰি উলিয়াব পাৰি৷  কিন্তু ট’ৰৰ জড়িয়তে ইন্টাৰনেট কৰিলে আপোনাৰ ৰিকুৱেষ্টটো ট’ৰ নেটৱৰ্কত থকা কেবাটাও কম্পিউটাৰৰ মাজেৰে ঘুৰি-পাকি যায়৷ ফলত আপোনাক কোনেও বিচাৰি উলিয়াব নোৱাৰে৷ সেয়ে  এই ডাৰ্ক ৱেবখন আজিও বন্ধ কৰিব পৰা নাই৷

ট’ৰ নেটৱৰ্কত থকা কম্পিউটাৰ

ডাৰ্ক ৱেবত বস্তু কিনা বেচাৰ বাবে বিটকইন (Bitcoin) নামৰ এবিধ টকাৰ ব্যৱহাৰ কৰা হয়৷ বিটকইন হৈছে এবিধ ভাৰ্চুৱ্ল টকা৷ যাৰ অৱস্থিতি কেৱল ইণ্টাৰনেটৰ জগতত৷ বিটকইনৰ ওপৰত মোৰ আন এটা লেখা পঢ়িবলৈ বা ভিডিঅ’ চাবলৈ, ইয়াত ক্লিক কৰক।

ট’ৰ ব্ৰাউজাৰটো  ডাউনল'দ কৰিবলৈ আপুনি https://www.torproject.org/index.html.en ৱেবচাইটোলৈ যাব লাগিব,  ৷ কিন্তু এই ব্ৰাউজাৰটোত ডাৰ্ক ৱেবখন খুচৰিবলৈ কোনো চাৰ্চ ইঞ্জিন নাপাব৷ তাৰ বাবে Hidden Wiki নামৰ এটা ৱেব চাইটলৈকে আপুনি যাব লাগিব৷ য'ত এনেকুৱা ইলিগেল চাইট বোৰৰ এখন দীঘল তালিকা আছে৷ হিদেন উইকিৰ লিংটো হ’ল, http://zqktlwi4fecvo6ri.onion/wiki/index.php/Main_Page । ট'ৰৰ এই চাইট সমূহে .com বা  .in আদি ডোমেইনৰ সলনি .onion ডোমেইন ব্যৱহাৰ কৰে৷

ইয়াৰ পিছৰ আন এটা ভিডিঅ' আৰু লেখাৰ জড়িয়তে মই আপোনালোকক ডাৰ্কৱেবৰ ভিতৰৰ কিছু অংশ দেখোৱাবলৈ চেষ্টা কৰিম৷ আজিৰ এই লেখাটো আৰু ভিডিঅ’টো মই আপোনালোকক ডিপ-ৱেব আৰু ডাৰ্ক-ৱেবৰ বিষয়ে সাম্যক ধাৰণা দিবলৈহে লিখিছোঁ৷ কিন্তু মই আপোনালোকক অনুৰোধ কৰিছো যাতে কৌতুহলৰ বশৱৰ্তী হৈ ডাৰ্ক-ৱেবত ভুমুকি মাৰি কোনোধৰণৰ নিষিদ্ধ কাৰ্য-কলাপৰ লগত  যেন নিজকে জড়িত নকৰে৷ কাৰণ এই ডাৰ্ক-বেৱৰ কোনো এটা এন্ধাৰ গলিত আপুনি হেৰাই যাব লাগিলে আমি জগৰীয়া নহ'ম৷

এইখিনিতে এটা কথা উল্লেখ কৰো যে ট’ৰ যে কেব’ল নিষিদ্ধ কামতহে ব্যৱহাৰ হয়, তেনেকুৱা নহয়৷ চৰকাৰ, ৰাজনৈতিক নেতা, বৈপ্লবীক সংগঠন বোৰেও গোপনীয়তা ৰক্ষা কৰিবলৈ ট’ৰ ব্যৱহাৰ কৰে৷ ২০১৪চনত ফেচবুকেও ডাৰ্ক ৱেবত এটা .onion ভাৰ্চন ৰিলিজ কৰিছে৷

আজিলৈ ইমানেই৷ আশা কৰো আপোনালোকে কিছু কথা জানিব পাৰিলে৷ আমাৰ এই লেখাটো আৰু ভিডিঅ’টো যদি আপোনালোকৰ ভাল লাগিছে, লাইক কৰিব, চেয়াৰ কৰিব৷ আমাৰ আন-আন লেখাবোৰৰ কাৰণে এই ব্লগটো চেক কৰি থাকিব৷ ব্ল’গৰ কথাবোৰ ভিডিঅ' ৰূপত চাবলৈ আমাৰ ইউটিউব চেনেল Me, Myself and Rajiv Phukanক চাবস্ক্ৰাইব কৰিব৷ আৰু আপোনালোকৰ কিবা সুধিবলগীয়া থাকিলে, বিনাদ্বিধাই ক'মেন্ট বক্সত পোষ্ট কৰিব৷ তেন্তে আজিলৈ বিদায়৷ ধন্যবাদ৷

আমাৰ অন্যান্য পোষ্ট সমূহ 

Wireless Charging- তাঁৰেৰে সংযোগ নকৰাকৈয়ে LED এটা জ্বলাও আহক।

মোবাইল ফোনৰ পৰা কেন্সাৰ হ'ব পাৰে নেকি????

3D প্ৰিণ্টাৰ কি?

ডিজিটেল ফাৰ্ম আৰু ব্যক্তিগত ফুদ কম্পিউটাৰ

৩৮০ টকাতে পৃথিৱী পৰিভ্ৰমণ কৰিবলৈ VR Box | Virtual Realityৰ সবিশেষ

Pokémon GO আৰু এপাল জোম্বি

শংকৰদেৱ, মাইলছ ব্ৰনছন আৰু টেকন’লজি। মোৰ দৃষ্টিত অসমীয়া ভাষাৰ বিবৰ্তনৰ পথত তিনিটা মাইলৰ খুটি৷

সমগ্ৰ ইন্টাৰনেটক অসমীয়ালৈ অনুবাদ কৰিবলৈ Google Translate 

মোবাইলত অসমীয়া লিখিবলৈ মাল্টিলিংগ কী-ব’ৰ্ড

বহু ৰাতিলৈকে মোবাইল ফোন ব্যৱহাৰ কৰাসকলৰ কাৰণে কেইটামান এপছ আৰু টিপছ

IoT- ইন্টাৰেনট অফ থিংছ

বিটিকইনৰ আভ্যন্তৰীণ কাৰ্য প্ৰণালী আৰু ইয়াৰ চিকিউৰিটি ব্যৱস্থা৷

বিটকইন কি আৰু ইয়াক কেনেদৰে আহৰণ কৰিব পাৰি?

SHUTTER LIFE: DSLR কেমেৰাৰ আয়ুস